Секоја година, пазарот на фалсификувани лекови предизвикува илјадници жртви во целиот свет и остава уште повеќе луѓе парализирани или со тешки здравствени проблеми како резултат на земањето фалсификувани производи кои можат да бидат контаминирани или застарени2.

Обединувајќи се во борбата против фалсификувани  лекови, Teva пушти во употреба револуционерен нов 2-Д баркод кој би можел да значи крај за ваквите опасни лажни лекови. Инвестирајќи над 100 милиони долари, Teva создаде нова техника на серијализација за да ја гарантира автентичноста на производите и да им обезбеди спокојство и на малопродавачите и на потрошувачите и да не дозволи профитот да заврши во рацете на криминалци.

Светската здравствена организација (СЗО) проценува дека приходите од фалсификуваните лекови изнесуваат околу 200 милијарди долари, што претставува 10-15 проценти од вкупната трговија со фармацевтски производи во светот3. Тие можат да се продаваат на црниот пазар, преку интернет, а во некои случаи, лажните лекови им биле давани на пациентите како лекови на рецепт.

Како што се зголемува употребата на лажни лекови глобално, Teva ги направи своите лекови уште потешки за фалсификување со примена на овој 2-Д баркод, со соодветен глобален идентификациски број за следење, на 326 линии за пакување. Teva планираше како најдобро да ги имплементира новите баркодови со менаџерот на програмата Галит Мејран, кој го води проектот за серијализација уште од 2015 година.

Мејран смета дека баркодот ќе им влее доверба на пациентите за производите кои ги земаат. "Се работи за мал баркод кој има огромно влијание врз здравјето на пациентот и го исполнува нашето ветување за брендот. Потрошувачите може да потврдат дека имаат автентичен производ и дека никој не се обиднува да им продаде фалсификуван лек".

Фармацевтската индустрија долго време става акцент на следливоста во борбата против фалсификувањето, но тоа не ги запре криминалците да произведуваат и успешно да продаваат фалсификувани лекови. Фалсификатите ги заменија сите видови лекови, од лекови за сида до таблети против маларија, при што се проценува дека 1 од 10 медицински производи во земјите со низок и среден приход се или супстандардни или фалсификувани, соопшти СЗО4 .

Мејран, кој работеше со стотици вработени во 38 објекти на Teva во целиот свет за да го оствари проектот, додаде: "Ние во Teva не запираме со производството на производот и со неговото пласирање на пазарот. Ги преземаме сите мерки за да се осигураме дека пациентите и фармацевтите можат да потврдат дека лекот што го имаат е автентичен лек на Teva".

Последниве години, Teva соработуваше со владите и со царинските органи од целиот свет во обид да го спречи снабдувањето со фалсификувани лекови. Во 2013 година, Teva помогна да се открие софистицирана фалсификаторска операција откако еден пациент во Германија забележа грешки во пишувањето на кутијата на лекот и контактираше со фирмата. Како одговор на тоа, Teva купи од овој сомнителен производ за да го тестира во сопствените лаборатории и откри дека, иако лекот ги содржи вистинските фармацевтски состојки, тој не е произведен од нив, како што се тврдеше на производот.

Во борбата против сè поголемата закана од фалсификувани лекови и со цел да ги исполни регулаторните промени, Teva ќе го промени пакувањето на милијарди таблети и капсули кои се произведуваат секоја година за да го инкорпорира новиот баркод. Во Teva, ова е првпат да се спроведува проект во толку широка низа сектори, соработувајќи и со глобални и со локални екипи во целиот свет.

Мејран, поранешен експерт за информатички ризик, кој работи во Teva шест години, додаде дека проектот е резултат на повеќегодишна соработка меѓу голем број сектори. "Овој проект вклучуваше навистина глобален тим, вклучувајќи го уметничкиот дизајн, набавката, синџирот на снабдување, пакувањето и голем број глобални менаџери", изјави таа.

"Ова е голема глобална програма за компанијата, која ќе влијае на секој дел од бизнисот. Претставува големо достигнување да се види како се здружуваат толку многу различни сектори за да го споделат своето знаење.
"Исто како во симфониски оркестар, сите музичари мора да работат синхронизирано и со совршена прецизност за да биде делото јасно и да звучи убаво", додаде таа. "Беше напорно, но се гордеам со тимот кој го состави ова".

Историски гледано, користењето фалсификувани лекови не е широко распространето во индустријализираните земји како што се САД или Западна Европа, иако поради големиот број потрошувачи кои сега користат интернет за да купат евтини лекови, се јавуваат сè повеќе примери за фалсификувани лекови во цел свет. СЗО проценува дека во Африка и во некои делови на Азија и Латинска Америка, делот на лажни лекови достигнува 20-30 проценти од пазарот5. Честопати продажбата на фалсификувани лекови негативно влијае на оние кои живеат во Третиот свет, а откриена е и продажба на тие лекови на високорегулираните пазари на САД и ЕУ.

Во борбата против огромната штета која е предизвикана од употребата на фалсификувани лекови, американската Агенција за храна и лекови (Food and Drug Administration; FDA) и Европската Унија (ЕУ) воведоа планови за да обезбедат дека секоја запечатена единица е серијализирана.  Руската Федерација, исто така, планира да спроведе слична регулатива до јануари 2020 година.

_________________________________________________________

1 Извор: https://www.strategyand.pwc.com/reports/counterfeit-pharmaceuticals

2 Извор: https://www.economist.com/node/21564546 

3 Извор: http://www.who.int/bulletin/volumes/88/4/10-020410/en/

4 Извор: http://www.who.int/bulletin/volumes/88/4/10-020410/en/

5 Извор: http://www.who.int/medicines/regulation/ssffc/publications/gsms-report-sf/en/