Гледиштето на пациентите: Текот на дијагностицирањето и лекувањето на мигрената

Истражувањето спроведено во 16 земји кај 12.545 пациенти со мигрена го прикажува влијанието на мигрената врз бројни аспекти од секојдневниот живот. Истражувањето покажува дека понекогаш е потребно долго време за да се постави точна дијагноза и да се прими соодветна терапија.

03

Мигрената може значително да влијае на секојдневниот живот на повеќе од една милијарда луѓе во светот кои живеат со оваа болест. 01 Болеста на глобално ниво е недоволно дијагностицирана и лекувана, што делумно е резултат на погрешна дијагноза и на очекувањата на пациентите дека исходите од лекувањето ќе бидат лоши. 02

Со неодамнешното истражување спроведено во име на Teva се сакало дополнително да се прикаже вистинскиот товар на мигрената. Анкетата „Зад мигрената: вашето вистинско јас“, спроведена кај 12.545 лица ширум светот кои живеат со мигрена, открива како болеста влијае на бројни аспекти од личниот живот. Глобалната анкета опфатила многу теми, меѓу кои и искуствата на пациентите кои живеат со мигрена, со посебен акцент на процесите на дијагностицирање и лекување кои во моментов ги спроведуваат здравствените работници ширум светот.

Како што е видливо од зборовите на Ерика, лековите можат да го ревитализираат животот на пациентите кога станува збор за лекувањето на мигрената. Анкетата утврдила дека повеќето пациенти (61%) се задоволни од својот надлежен лекар, истакнувајќи ја позитивната улога што ја имаат здравствените работници во обезбедувањето поддршка за лицата кои живеат со мигрена.04
Меѓутоа, за повеќето анкетирани патот до дијагноза бил долг, при што речиси половина од нив (47%) изјавиле дека од појавата на првите симптоми до поставувањето точна дијагноза на мигрена чекале повеќе од три години.05 За секој десетти пациент, тој пат траел повеќе од десет години.06 Ова доцнење може да резултира со дополнителен стрес и загриженост кај оние што живеат со мигрена, а истражувањето покажало дека повеќето пациенти се чувствуваат фрустрирани поради болеста.07

Искуството на пациентот може дополнително да биде отежнато поради слично доцнење во добивањето терапија.08 Според анкетата, речиси една третина од анкетираните чекале повеќе од три години по поставувањето на дијагнозата за да им биде препишана терапија.09 Повеќето анкетирани пациенти (59%) имаат слични искуства како Ерика, наведувајќи дека се задоволни со лековите што моментално им се препишани.09 Сепак, пациентите се само делумно задоволни со препишаните акутни (58%) и превентивни (51%) лекови.09

Кога биле прашани што најмногу би ѝ помогнало на заедницата на лица со мигрена, четири од десет пациенти сметаат дека најефикасно би било обезбедување доволно средства за лекови во здравствениот систем (41%) и поголеми инвестиции во истражувањето на оваа болест (33%).09

Заклучок

Анкетата „Зад мигрената: вашето вистинско јас“ дава целосен увид во начинот на кој мигрената влијае врз животот на заболените лица и укажува на генерално позитивната и важна улога на здравствените работници во нивното искуство со мигрената. Прифаќајќи го фактот дека станува збор за непријатна и онеспособувачка болест, здравствените работници можат да обезбедат пациентите да се лекуваат со сочувство и внимание, така што пациентите да можат да уживаат во подобар квалитет на живот.

Teva апелира до општеството во целина да ѝ пружи поддршка на заедницата на лица со мигрена и да им овозможи поотворено да зборуваат за последиците од мигрената. Разговарајќи со своето семејство, пријателите и колегите кои живеат со оваа болест, не само што ќе се едуцираме себеси и лицата во нашата околина, туку и ќе свртиме внимание кон мигрената, демистифицирајќи ја и дестигматизирајќи ја во корист на сите нас.

Во текот на ноември и декември 2019 година биле анкетирани 12.545 пациенти со мигрена од Аргентина, Австралија, Белгија, Бразил, Чешка, Франција, Германија, Израел, Италија, Мексико, Холандија, Полска, Русија, Шпанија, Шведска и Обединетото Кралство, преку интернет-анкета спроведена кај возрасни лица со мигрена кои имале најмалку четири дена со мигрена месечно. Сите текстови во наводници се цитати од изјави на учесниците во истражувањето. Податоците се темелат на изјавите на анкетираните пациенти. Наведеното погоре претставува делумен приказ на извештајот и како такво не треба да се користи за никаква друга намена.