Мигрената и јас: Невидлива болест

Истражувањето спроведено во 16 земји кај 12.545 пациенти со мигрена покажува дека лицата кои живеат со мигрена се судираат не само со физичките симптоми на болеста, туку и со влијанието на болеста врз бројни аспекти од нивниот секојдневен живот

07

Бројките се вчудовидувачки. Повеќе од една милијарда луѓе ширум светот живеат со оваа болест, што ја прави третата најчеста во светот.01 Почеста е и од дијабетесот, епилепсијата и астмата заедно02 , а најмногу ги погодува лицата од двата пола во најпродуктивните години од зрелата возраст.03 Освен тоа, болеста погодува трипати повеќе жени отколку мажи.04 Знаете ли за која болест станува збор?

Мигрената е онеспособувачко невролошко нарушување кое се карактеризира со повторувачки болни епизоди. Епизодите можат да траат помеѓу 4 и 72 часа, а често се придружени со мачнина, повраќање и промени во видот.05

И покрај зачестеноста и последиците, мигрената е недоволно дијагностицирана и лекувана, што директно влијае врз животите на луѓето ширум светот.06

Со неодамнешното истражување спроведено во име на Teva се сакало да се прикаже вистинскиот товар на мигрената како што го доживуваат пациентите. Анкетата „Зад мигрената: вашето вистинско јас“, спроведена кај 12.545 лица кои живеат со мигрена, открива како болеста влијае врз бројни аспекти од личниот живот. Како што ни кажаа анкетираните пациенти, мигрената силно влијае на нивниот секојдневен живот и им пречи да живеат во целост.

За пациентите како Ејми, мигрената може да доминира во бројни аспекти од секојдневниот живот. Додека здравствените последици за пациентот се очигледни, важен е и поширокиот ефект на мигрената врз животите на луѓето. Нашето истражување покажа дека 92% од пациентите изјавиле дека мигрената негативно влијае на квалитетот на нивниот живот.08 Освен тоа, домино-ефектот на мигрената е видлив и во нивните социјални интеракции и професионален развој: шест од десет учесници во истражувањето навеле дека нивниот социјален живот е ограничен, а повеќе од половина (56%) навеле дека мигрената ѝ штети на нивната кариера.08

Глобалната анкета покажала дека мигрената влијае и на секојдневните улоги на заболените. Така, пациентите како Ејми навеле дека мигрената ја ограничува нивната способност за спортување (51%), водење домаќинство (50%), хоби (49%) и дружење со пријателите (43%).08 Животот со мигрена зема и емоционален данок, а анкетата покажала дека пациентите се чувствуваат исцрпено (55%), фрустрирано (54%), потиштено (40%) и луто (36%)08

Според истражувањето, лицата што страдаат од мигрена може да поминуваат низ периоди на изолација, бидејќи не се во состојба да учествуваат во едноставни, секојдневни активности. Пациентите кои страдаат од мигрена како Ејми, не можат да излегуваат (54%), да вежбаат (45%), па дури ни да отпатуваат на одмор (28%).08 Мигрената може да влијае и врз сексуалните односи на пациентите, нешто што повеќе од една третина од лицата го истакнале како проблем. 08

Заклучок

Анкетата „Зад мигрената: вашето вистинско јас“ нуди сеопфатен увид во начинот на кој мигрената влијае врз личниот живот на пациентите. Истражувањето открива дека 86% од испитаниците сметаат дека општеството не ја сфаќа мигрената сериозно, што јасно го прикажува чувството на фрустрираност и изолираност.08

Teva апелира до општеството да ѝ даде поддршка на заедницата на луѓе со мигрена и да им овозможи поотворено да зборуваат за последиците од мигрената. Разговарајќи со своето семејство, пријателите и колегите кои живеат со оваа болест, не само што ќе се едуцираме себеси и лицата во нашата околина, туку и ќе свртиме внимание кон мигрената, демистифицирајќи ја и дестигматизирајќи ја во корист на сите нас.